16 مارچ ، 2012 
ہملٹن ٹیسٹ: کیویزکو مشکلات کا سامنا،65 رنز پر4 کھلاڑی آؤٹ
16 مارچ ، 2012
ہملٹن …ہملٹن ٹیسٹ میں کیوی ٹیم کوشدید مشکلات کا سامنا ہے، دوسرے روز کھیل کے اختتام پر میزبان ٹیم اپنی دوسری اننگز میں صرف 65 رنز پر 4 وکٹیں گنوا چکی ہے جبکہ اسے جنوبی افریقا کی پہلی اننگز کا اسکور برابر کرنے کیلئے مزید 3 رنز درکار ہیں۔ ہملٹن میں جاری دوسرے ٹیسٹ کے دوسرے روز جنوبی افریقا نے گزشتہ روز کے اسکور27 رنز دو کھلاڑی آؤٹ پر اپنی نامکمل اننگز کا آغاز کیا، ڈی ولیئرز کے شاندار 83 رنزکے باعث پروٹیز 253 رنز بنانے میں کامیاب رہے، یوں جنوبی افریقا کوپہلی اننگز میں نیوزی لینڈ کے خلاف 68 رنز کی برتری حاصل ہوگئی۔ میزبان ٹیم کی دوسری اننگز کا آغاز بھی اچھا نہ رہا اور صرف 7 رنز پر اس کے تین ٹاپ آرڈر بیٹسمین پویلین واپس لوٹ چکے تھے۔ ولیم سن 41 رنز کے ساتھ ناٹ آؤٹ ہیں۔ اسٹین اور فلنڈر نے دو، دو وکٹیں حاصل کیں۔
