پورٹ ایلزبتھ…پاکستان نے جنوبی افریقہ کو دوسرے ایک روزہ انٹرنیشنل میچ میں ایک رنز سے شکست دیکر سیریز2-0 سے جیت لی، تین میچوں کی اس ون ڈے سیریز کا ابھی ایک میچ باقی ہے جو کہ ہفتہ 30نومبر کو سنچورین میں کھیلا جائے گا۔جنوبی افریقہ کی ٹیم پاکستان کی جانب سے دیئے گئے ہدف 262کے جواب میں اپنے مقررہ 45اوورز میں چھ وکٹوں کے نقصان پر 261رنز بناپائی ۔اس سے قبل پورٹ ایلزبتھ کے سینٹ جارج پارک میں کھیلے جانے والے اس میچ کا ٹاس پاکستان نے جیت کر پہلے بیٹنگ کی ، اورپروٹیز کو 263کا ہدف دیا۔تجربہ کار اوپنر گریم اسمتھ1 کے آؤٹ ہونے کے بعد ان فارم بیٹسمین ہاشم آملہ 98اور کپتان کوئنٹن ڈی کوک 47نے اپنی ٹیم کو سنبھالا دیااور 87کی شراکت قائم کی،بعدازاں آملہ اور ابراہم ڈی ویلیئرز74کے درمیان دوسری قابل ذکر شراکت جڑی اور دونوں نے 110رنز بنائے ،ڈی ویلیئرز اور ہاشم آملہ کا یکے بعد دیگرے آؤٹ ہونا ہی افریقہ کی شکست کی وجہ بنی۔اور بعد میں آنے والے بیٹسمین رنز بنانے کی وہ رفتار برقرار نہ رکھ سکے جو ان دونوں نے قائم کیا تھا۔پاکستان کی جانب سے جنید خان نے بہترین بولنگ پرفارمنس کا مظاہرہ کیا اور تین وکٹیں لیں، شاہد آفریدی نے دو جبکہ سعید اجمل نے ایک وکٹ حاصل کی۔احمد شہزاد کو انکی بہترین بیٹنگ پرفارمنس پر مین آف دی میچ قرار دیا گیا۔واضح رہے کہ یہ پاکستان کی ون ڈے سیریز میں پہلی بارجنوبی افریقہ کے خلاف کامیابی ہے۔