23 دسمبر ، 2013 
بالائی شہروں میں سردی مزید بڑھنے کی پیش گوئی
23 دسمبر ، 2013
اسلام آباد…ملک کے مختلف علاقوں میں برفباری کے بعد سردی میں اضافہ ہوگیا ہے۔ محکمہ موسمیات کے مطابق 2 سے 3روز کے دوران بالائی شہروں میں سردی اور بڑھے گی۔گلگت، بلتستان اور بلوچستان کے شمالی علاقوں میں برفباری کے بعد ٹھنڈ بڑھ گئی ہے اور اس موسم میں گرم کپڑوں کے ساتھ ساتھ گرما گرم سوپ کی دکانوں پر بھی رش ہے۔ خیبر پختونخوا میں بھی سردی اپنے رنگ دکھا رہی ہے۔تفریحی مقامات پر بڑی تعداد میں سیاح موسم کے مزے لوٹ رہے ہیں۔پنجاب اور سندھ میں ٹھنڈی ہوائیں چل رہی ہیں اوردرجہٴ حرارت میں نمایاں کمی ہوئی ہے۔محکمہ موسمیات کا کہنا ہے کہ آئندہ 24گھنٹو ں کے دوران مالا کنڈ ڈویژن اور گلگت، بلتستان میں چند مقامات پر بارش اور پہاڑوں پر برفباری کا امکان ہے۔ آج سب سے کم درجہٴ حرار ت پاراچنار میں منفی 11، اسکردو منفی 09 اور استور میں منفی 08 ڈگری ریکارڈ کیا گیا۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
6 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
6 گھنٹے پہلے
