13 جنوری ، 2014 
اسنو بورڈ کراس ورلڈکپ:اسپین کے عمرویزنٹائن کی سب پر برتری
13 جنوری ، 2014
والنورڈ…اسنوبورڈکراس ورلڈ کپ میں کے دوسرے دن اٹلی کے عمرویزنٹائن سب پر برتری لے گئے ،جبکہ ویمنز ایونٹ میں چیک ری پبلک کی سامکووا ایوا چھائی رہیں۔ اینڈورا میں جاری ایونٹ کے دوسرے دن منظر بھی دلکش تھا اور مقابلہ بھی خو ب ہوا ،کھلاڑیوں نے اپنی مہارت سے دیکھنے والوں کو خوب محظوظ کیا ۔اٹلی کے عمر ویزنٹائن نے نہ صرف دوسرا مرحلہ جیتا ،بلکہ اوور آل اسٹینڈنگ میں ٹاپ پر آ گئے ۔اسپین کے ایگوبار لوکس کا دوسرا نمبر ہے۔ ویمنز ایونٹ میں جمہوریہ چیک کی سامکووا ایوا چھائی رہیں ،کینیڈا کی مالٹیاس ڈومینک دوسرے نمبر پر ہیں۔ادھر کولوراڈ ،امریکا میں ہونے والے فری اسٹائل اسکی ہالف پائپ مقابلے میں امریکا ہی کے ڈیوڈ وائز نے خوب کمال دکھایا ،وہ 89 پوائنٹس کے ساتھ پہلے نمبر پر رہے۔کینیڈا کے مائیک رڈل نے 85اعشاریہ 2پوائنٹس کے ساتھ دوسری پوزیشن حاصل کی۔ ویمنز کے مقابلوں میں بھی امریکا ہی کی میڈی بومین سب پر بازی لے گئیں ،دوسرا نمبر جاپان کی ایانااونوزوکاکا رہا۔
