30 مارچ ، 2012 
دہلی : بھارتی آرمی چیف سمیت 5 فوجی افسران کیخلاف پٹیشن دائر
30 مارچ ، 2012
نئی دہلی … بھارت کے سابق لیفٹیننٹ جنرل تیجندر سنگھ نے آرمی چیف جنرل وی کے سنگھ سمیت 5 فوجی اہلکاروں کے خلاف دہلی ہائی کورٹ میں پٹیشن دائر کردی ہے، عدالت نے حکومت کو 27 اپریل تک جواب داخل کرانے کے احکامات جاری کیے ہیں۔ سابق لیفٹیننٹ جنرل تیجندر سنگھ نے پٹیشن میں 6 مارچ کو جاری گی گئی پریس ریلیز واپس لینے کی درخواست کی ہے، بھارتی آرمی کی جانب سے جاری کی گئی پریس ریلیز میں جنرل وی کے سنگھ نے تیجندر پر رشوت کی پیش کش کرنے اور کک بیکس لینے کا الزام لگایا ہے۔ پریس ریلیز کے مطابق سابق فوجی اہلکار نے وی کے سنگھ کو رشوت دی تاکہ وہ خاص برانڈ کے ٹرک خریدنے کے معاہدے کیخلاف کارروائی نہ کریں۔ پٹیشن میں وائس چیف آف آرمی اسٹاف لیفٹیننٹ جنرل ایس سنگھ، ڈائریکٹر جنرل آف ملٹری انٹیلی جنس بی ایس ٹھاکر، ایڈیشنل ڈائریکٹر جنرل آف پبلک انفاارمیشن ایس ایل نشریمان اور ڈائریکٹر میڈیا لیفٹیننٹ کرنل سوہنی ہیتن شامل ہیں۔
مزید خبریں :
کانگو: کشتی میں آگ لگنے سے ہلاک افراد کی تعداد 148 ہوگئی
19 اپریل ، 2025
امریکا میں 1500 طلبا کے ویزے منسوخ، وجہ بھی سامنے آگئی
19 اپریل ، 2025
امریکا کا یوکرین امن معاہدے سے پیچھے ہٹنے کا عندیہ
18 اپریل ، 2025
ویڈیو: خرگوش کے انجن میں گھسنے سے اُڑتے طیارے میں آگ لگ گئی
18 اپریل ، 2025
