24 جنوری ، 2014 
پاک بھارت ہاکی سیریز مارچ میں ہونے کا امکان
24 جنوری ، 2014
لاہور…حکومت کی اجازت سے مشروط کرتے ہوئے ہاکی انڈیا نے پاکستان کے دورے کی حامی بھر لی، پاک بھارت ہاکی سیریز کیلئے پاکستان ہاکی فیڈریشن بین الصوبائی رابطہ کے وزیر سے رابطہ کرلیا۔ پاکستان ہاکی فیڈریشن کے سیکرٹری رانا مجاہد نے جیو نیوز کو بتایا کہ ہاکی انڈیا کے سیکرٹری ناریندر بترا سے ٹیلی فون پر بات ہوئی ہے انہوں نے مارچ میں پاکستان کے دورے کی حامی بھر لی، لیکن ساتھ ہی یہ بھی واضح کردیا ہے کہ ہاکی ٹیم کا دورہ حکومت کی اجازت سے مشروت ہے، تین میچز کی سیریز مارچ میں ہوگی۔ رانا مجاہد نے کہا کہ میچز کراچی لاہور اور فیصل آباد میں کرانا چاہتے ہیں لیکن اگر مہمان ٹیم ایک ہی شہر میں کھیلنا چاہے تو پی ایچ ایف کو کوئی اعتراض نہیں ہوگا۔ رانا مجاہد نے بتایا کہ سیریز کیلئے وزارت بین الصوبائی رابطے کو خط بھی لکھ دیا ہے۔
مزید خبریں :
میلبرن اسٹارز نے حارث کو ٹیم میں رکھنے کی وجہ بتادی
20 جون ، 2025
پاکستان ایف آئی ایچ نیشنز کپ کے سیمی فائنل میں پہنچ گیا
18 جون ، 2025
