25 جنوری ، 2014 
بگ تھری پر وہ موٴقف اپناوٴں گا جس سے پاکستان اورکرکٹ کوفائدہ ہو،ذکااشرف
25 جنوری ، 2014
لاہور…چیئر مین پی سی بی آئی سی سی کے اہم اجلاس میں شرکت کیلیے دبئی روانہ ہوگئے۔ ذکا اشرف کا کہنا ہے کہ بگ تھری کے معاملے میں وہ موقف اپنائیں گے جس سے پاکستان اور کرکٹ کو فائدہ ہو گا۔آئی سی سی اجلاس میں شرکت کیلیے روانگی سے قبل لاہور ایرپورٹ پر میڈیا سے گفتگو میں ذکا اشرف نے کہا کہ بھارتی کرکٹ بورڈ کے صدر سے ان کی بگ تھری کے معاملے پر مسلسل بات چیت ہوتی رہی ہے اور انگلینڈ کرکٹ بورڈ نے بھی پاکستان سے رابطہ کیاہے ، بگ تھری کسی بھی موقف میں پاکستان کا مفاد پہلی ترجیح ہوگی۔ذکا اشرف نے کہا محمد عامر کے معاملے میں مثبت پیش رفت ہوسکتی ہے تاہم اس میں تھوڑا وقت لگے گا۔اپنی بحالی کے خلاف حکومتی اپیل پر ان کا کہنا تھا کہ وہ سب کے ساتھ مل کر کام کرنا چاہتے ہیں ۔ذکا اشرف نے کہا کہ کوچ ملکی ہو یا غیر ملکی فیصلہ کمیٹی کرے گی ۔
مزید خبریں :
میلبرن اسٹارز نے حارث کو ٹیم میں رکھنے کی وجہ بتادی
20 جون ، 2025
پاکستان ایف آئی ایچ نیشنز کپ کے سیمی فائنل میں پہنچ گیا
18 جون ، 2025
اگلا ہدف ورلڈ چیمپئن شپ ہے: ارشد ندیم پُر عزم
18 جون ، 2025
