میرپورخاص…ایم کیو ایم کے زیراہتمام قائد الطاف حسین سے اظہار یکجہتی کیلئے سندھ بھرمیں مظاہروں اورریلیوں کا انعقاد کیا گیاجس میں ایم کیو ایم کی رابطہ کمیٹی ،سینٹرل ایگزیکٹو کونسل،اندورن سندھ تنظیمی کمیٹی اورزونل انجارجروارکین،سیکٹرزاوریونٹ کمیٹیوں کے ذمہ داران وکارکنان اورشعبہ جات کے ارکان کے ہمراہ قائدتحریک الطاف حسین کے چاہنے والے حق پرست عوام نے ہزاروں کی تعدادمیں شرکت کی اوران پراپنے بھرپوراعتمادکااظہارکرتے ہوئے ان کے خلاف بین الاقوامی میڈیاکے منفی پروپگنڈے اوربے بنیاداور جھوٹے الزامات کی شدید الفاظ میں بھی مذمت کی۔مظاہروں اورریلیوں کے شرکاء کاجوش وخروش قابل دیدتھابیشترشرکاء نے ہاتھوں میں الطاف حسین کی تصاویر،ایم کیوایم کے پرچم اورپلے کارڈزاٹھارکھے تھے جووقفے وقفے سے الطاف حسین اورایم کیوایم کے حق میں نعرے لگاتے رہے۔ مظاہروں کا انعقاد سندھ کے شہرقمبرشہدادکوٹ،نوشہروفیروز ، کشمور ، میرپور خاص ،نواب شاہ،ٹنڈوالہیار،جامشورواورگوٹکی میں کیا گیا جس کے تمام ترانتظامات اندرون سندھ تنظیمی کمیٹی نے انجام دیئے۔سندھ تنظیمی کمیٹی کے ارکان ظفرخان،سراج راجپورت،زونل انچارج مجیب الحق ودیگراراکین ،حق پرست رکن سندھ اسمبلی ڈاکٹرظفرکمالی ،سیکٹرویونٹ کمیٹیوں کے ذمہ داران،کارکنان سمیت اے پی ایم ایس او،میڈیکل ایڈ کمیٹی،لیگل ایڈکمیٹی،شعبہ خواتین اورمختلف شعبہ ہائے زندگی سے تعلق رکھنے والے افراداورمختلف قومیتوں اورمذاہب کے حق پرست عوام نے کثیرتعدادمیں شرکت کی ۔دریں اثناء نواب شاہ میں بھی الطاف حسین سے اظہاریکجہتی کیلئے نواب شاہ پریس کلب کے باہرمظاہرہ کیاگیا۔اس موقع پرزونل آفس سے پریس کلب نواب شاہ تک ریلی بھی نکالی گئی جس میں رکن رابطہ کمیٹی نثارپنہور،اراکین سندھ تنظیمی کمیٹی یاورفیصل ،شریف خان ،زونل انچارج عاصم کبیرودیگراراکین ،سیکٹرزویونٹ کمیٹیوں کے عہدیداران،شعبہ خواتین اورشعبہ جات کے ارکان کے ہمراہ حق پرست عوام نے کثیر تعدادمیں شرکت کی ۔اسی طرح ٹنڈوالہیارزون کے احتجاجی مظاہرے سے سندھ تنظیمی کمیٹی کے رکن فریداحمدخان اورزونل کمیٹی کے انچارج محمدعلی شاہ نے شرکاء سے خطاب کیا۔علاوہ ازیں نوشہروفیروز،مورو،محرابپور،پڈعیدن،دریاخان مری،تھاروشاہ، نوشہروفیروز ،بہریا سٹی، بھریا روڈ، بیلاوہ، چانہیں منومل ،کنڈیارو ، بیلانی ، سعیدپور، پٹھل، کلہوڑا اسٹیشن سمیت دیگرعلاقوں کے حق پرست عوام و کارکنان نے بھی ریلیاں نکالیں اور الطاف حسین سے اظہاریکجہتی کیاگیا۔