پاکستان
04 فروری ، 2014
04 فروری ، 2014 
پشاور:کوچہ رسالدار کے ہوٹل میں دھماکا،8افراد جاں بحق،35زخمی
04 فروری ، 2014
پشاور…پشاور کے علاقے کوچہ رسالدار میں بم دھماکا ہوا ہے جس کے نتیجے میں8 افراد جاں بحق اور35زخمی ہوگئے۔ زخمیوں میں خواتین اور بچے بھی شامل ہیں۔پولیس کے مطابق قصہ خوانی بازار کے پیچھے واقع کوچہ رسالدار میں ایک ہوٹل میں دھماکا ہوا ہے جس کے نتیجے میں 8 افراد جاں بحق اور35زخمی ہوگئے۔دھماکا جس جگہ ہوا ہے وہ ایک تنگ گلی میں واقعہ ہے جس کی وجہ سے امدادی سرگرمیوں میں شدید دشواری کا سامنا ہے۔ دھماکے سے ہر جانب دھواں ہی دھواں پھیل گیا جبکہ دھماکا ہوتے ہی پورا علاقہ اندھیرے میں ڈوب گیا۔ ریسکیو ٹیمیں زخمیوں اور لاشوں کو اسپتال پہنچانے اور ملبے سے زخمیوں کو ڈھونڈنے میں مصروف ہیں۔پولیس اور سیکیورٹی فورسز نے پورے علاقے کو گھیرے میں لے لیا ہے۔
