اسلام آباد… مجلس وحدت مسلمین نے پاکستان کے تمام مظلوموں کی آواز بن کر حکومت کی طالبان نواز پالیسیوں کے خلاف ملک گیر احتجاجی تحریک چلانے کا اعلان کر دیا ، یہ اعلان ایم ڈبلیو ایم کے مرکزی سیکرٹری جنرل علامہ ناصر عباس جعفری نے ایک پریس کانفرنس کے دوران کیا ، اس موقع پر دیگر رہنماء علامہ شیخ اعجاز حسین بہشتی، ملک اقرار حسین ، سید فض عباس نقوی ایڈووکیٹ اورعلامہ اصغر عسکری بھی موجود تھے ، علامہ ناصر عباسنے کہا کہ حکومت پنجاب دہشت گردوں کی سرپرست بن چکی ہے، اور تکفیری ایجنڈے کے تحت ملت تشیع پر مظالم کے پہاڑ توڑے جارہے ہیں ، پاکستان میں گزشتہ چار سالوں مسلسل شیعہ نسل کشی کا سلسلہ جاری ہے،کسی ایک قاتل کو گرفتار نہیں کیا گیا، گریسی لین راولپنڈی و ڈھوک سیداں میں ہونیوا لے دھماکوں کے ملزمان اور ڈھوک حسو میں ایم ڈبلیو ایم کے مشیر قانون کے بھائی کے قاتل آزاد پھر رہے ہیں ، لاہور اورگجرات ، میں بے گناہ لوگ مارے گئے ۔انھوں نے کہا کہ ہم نے صرف مظلومیت کی آوازبلند کی، جس کی پاداش میں ہمیں تشد کا نشانہ بنایا جار ہا ہے ، حکومت پنجاب بلوچستان کے رئیسانی کے نقش قدم پر چلتے ہوئے ہمارے رخموں پر نمک پاشی کر رہی ہے ، ساٹھ ہزار پاکستانیوں کو قاتلوں کو قانون کی گرفت میں لینے کی بجائے ان سے مذاکرات کیے جارہے ہیں ، ہم مظلومین کوئٹہ کی طرح پنجاب کے رئیسانیوں کے خلاف بھی اٹھیں گے ، انشاء اللہ ہماری پرا من جدو جہد صرف پاکستان تک محدود نہیں رہے گی ،انگلینڈ ، امریکہ ، کینیڈا، یورپ ، جہاں بھی پاکستانی آباد ہیں ، وہاں احتجاج ہو گا ، انہوں نے طالبان کے ساتھ حکومتی مذاکرات کے حوالے سے گفتگو کرتے ہوئے کہا کہ یہ مذاکرات دہشت گردوں اور قاتلوں کو ٹائم دینے کی ایک سنگین سازش ہے ، دہشت گردوں کے مطالبات سامنے آ چکے ہیں ، اس ملک کو چیئر لفٹ چلانے والا فضل اللہ چلائے گا ۔ اسلام رحمت اللعالمین کا مذہب ہے جنہوں نے اخلاق کے ذریے لوگوں کے دل جیتے ، سفاک قاتلوں اور درندوں کی زبان پر شریعت کا مطالبہ زیب نہیں دیتا ۔ ہم انشاء اللہ سنی اتحاد اور دیگر جماعتوں کے ساتھ مل کر مادر وطن کو آئینی اور جمہوری جدجہد کے ذریعے ان ظالموں کے چنگل سے آزاد وٴکرائیں گے۔