لاہور…متحدہ قومی موومنٹ کے قائدالطاف حسین نے لاہورمیں ہونے والی صوفیائے کرام کانفرنس سے اپنے خطاب کے بعد تمام فنکاروں اورقوالوں کا صوفیانہ کلام ٹیلیفون پر سنا۔ وہ ہرفنکارکودادوتحسین سے نوازتے رہے اورانہیں دعائیں دیتے رہے اورعوام سے کہتے رہے کہ وہ فنکاروں کوخراج تحسین پیش کریں۔حضرت مولاناروم  کی درگاہ پرہونے والے صوفی رقص کی طرزپر ایک گروپ نے صوفی رقص پیش کیاتو الطاف حسین نے کافی دیرتک انہیں خراج تحسین پیش کیااوراس گروپ کے ہرفردکواپنی جانب سے نقد انعام دینے کااعلان کیا۔ معروف فنکاراستادحامدعلی خان صوفیانہ کلام پیش کیاتو الطاف حسین نے تمام حاظرین سے کہاکہ وہ کھڑے ہوکراستاد حامد علی خان کوخراج تحسین پیش کریں جس پر تمام حاظرین نے کھڑے ہوکرانہیں خراج تحسین پیش کیا۔ صوفیانہ کانفرنس کااختتام پنجاب کے ممتازقوال بشیرمیانداد کی قوالی پرہوا۔کانفرنس کے اختتام پرانڈیاسے آئے ہوئے حضرت نظام الدین اولیاء  کی درگاہ کے گدی نشین سیدناظم علی نظامی نے دعاکرائی۔ الطاف حسین بذریعہ فون دعامیں شریک ہوئے۔ناظم علی نظامی نے دعاکی کہ اللہ تعالیٰ صوفیاکانفرنس کوقبول فرمائے اورصوفیا کے پیغام کوعام کرے،الطاف بھائی صوفیاء کی تعلیمات کے مطابق امن ومحبت کاجوپیغام پھیلارہے ہیں اللہ تعالیٰ اسے پوری دنیامیں عام کرے۔ پاکستان اوربھارت میں امن ہو اوردونوں ملکوں کے درمیان تعلقات بہترہوں تاکہ دونوں ملکوں کے عوام ایک دوسرے ملکوں میں آکربزرگان دین کے مزارات کی زیارت کرسکیں۔ دعاکے بعد ایم کیوایم پنجاب کے تمام ذمہ داروں نے الطاف حسین کوصوفیائے کرام کانفرنس کی مبارکبادپیش کی ۔ الطاف حسین نے تمام ذمہ داروں اورکارکنوں کوشاباش اورخراج تحسین پیش کیااوران کے لئے دعائیں کیں۔