15 مئی ، 2014 
پنٹاگون کا F-16 کے ریڈار اپ گریڈیشن کیلئے7.2ملین ڈالر کا ٹھیکہ
15 مئی ، 2014
کراچی… محمد رفیق مانگٹ…امریکی میڈیا کے مطابق پنٹاگون نے پاکستان کے لڑاکا طیارے ایف سولہ کے ریڈار انٹرآپریبلٹی مسئلے کو حل کرنے کے لئے 72لاکھ ڈالر کا فراہم کیے ہیں۔ یہ رقم پاکستان اور تھائی لینڈ کے ایف سولہ طیاروں کے متاثرہ حصوں کے لئے ہے۔امریکا نے ایف سولہ طیاروں کے ریڈار کی اپ گریڈیشن کا ٹھیکہ ٹیکساس کے فورٹ ورتھ کی لاک ہیڈ مارٹن ایئروناٹکس کمپنی کو دیا گیاہے۔ایف16طیاروں کی پیداوار کے اس ترمیمی معاہدے کے تحت ٹھیکہ7,253,896 ڈالر کا ہے۔پاکستان اور تھائی لینڈ کے ایف 16طیاروں کے radar interoperability کا کام ٹیکساس کی کمپنی 30اپریل2016تک مکمل کرے گی۔ یہ ترمیمی ٹھیکہ پنٹاگون کی طرف سے ایف سولہ طیاروں کی پیداوار کے مجموعی کنٹریکٹ430,377,045 میں اضافہ ہے ۔معاہدہ تھائی لینڈ اور پاکستان کے لئے 100 فیصد فارن ملٹری سیلز کی حمایت کرتا ہے۔
