03 جولائی ، 2014 
جیو نیوز کیبل پر اور اس کے پرانے نمبروں پر کیوں نہیں کھولا گیا؟
03 جولائی ، 2014
کراچی......سندھ ہائیکورٹ نے پیمرا اور 8 کیبل آپریٹرز کو ہدایت کی ہے کہ وہ 9 جولائی تک جواب داخل کریں کہ آخر سپریم کورٹ کی ہدایت کے باوجود جیو نیوز کو کیبل پر اور اس کے پرانے نمبروں پر کیوں نہیں کھولا گیا؟جیونیوز کی جانب سے دائر کی گئی درخواستوں میں موقف اختیار کیا گیا کہ سزا مکمل کرنے کے بعد اور پیمرا کے واضح احکامات کے باوجود 8 کیبل آپریٹرز نے جیونیوز غیر قانونی طورپر بند کیا ہوا ہے، درخواستوں کی سماعت سندھ ہائیکورٹ کے جسٹس منیب اختر نے کی جبکہ جیونیوز کی جانب سے جام آصف اور بہزاد حیدر پیش ہوئے، جسٹس منیب اختر نے جیونیوز کی درخواست پر اسکائی لائن، ٹریکس انٹرٹینمنٹ کے محمد حسین، میڈیا پلس کے قائم مقام سی ای او کاظم، ہوم وژن ون کمیونی کیشن کے عمران حیدر عابدی، سٹی کمیونی کیشن کے غفران مجتبیٰ، سٹی کیبل کے محمود احمد اور ورلڈ ٹیلی کام کے چیئرمین اور سی ای او کو 9 جولائی کو جواب داخل کرنے کی ہدایت کی ہے۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
11 گھنٹے پہلے
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
