16 اپریل ، 2012 
گیاری میں 10ویں روز بھی امدادی کارروائیاں جاری
16 اپریل ، 2012
اسکردو… گیاری سیکٹر میں پاک فوج کے جوان دسویں روز بھی برفانی تودے تلے دبے اپنے ساتھیوں کی تلاش کے لیے ریسکیو آپریشن جاری رکھے ہوئے ہیں۔ فوج کی امدادی ٹیموں نے دو مقامات پر زمین تک پہنچنے کے بعد سرنگیں بنانا شروع کردی ہیں۔ ذرائع کے مطابق گیاری سیکٹر میں پانچ روز سے جاری خراب موسم کے باعث امدادی کارروائیوں میں مشکلات کا سامنا ہے، تاہم پاک فوج کے جوان موسم کی اس سختی کو جھیلتے ہوئے ریسکیو آپریشن میں مصروف ہیں جبکہ برفانی تودے کی جگہ چھ مقامات پر کھدائی کے بعد متوازی سرنگیں بنائی جارہی ہیں۔ ذرائع کے مطابق چین اور ناروے سے ماہرین کی ٹیمیں پاکستان پہنچ گئی ہیں جنہیں پہلی دستیاب پرواز سے گیاری بھجوا دیا جائے گا، چینی ماہرین کے پاس زمین کے اندر تک گہرائی تک مانیٹرکرنے والے خصوصی آلات ہیں۔
