21 اپریل ، 2012 
جب بھی عام انتخابات کا اعلان ہوا ہم تیار ہوں گے، چیف الیکشن کمیشن
21 اپریل ، 2012
ملتان … قائم مقام چیف الیکشن کمیشن جسٹس شاکر اللہ جان نے کہا ہے کہ جب بھی عام انتخابات کا اعلان ہو اہم مکمل طور پر تیار ہوں گے، نادرا کو نئی کمپیوٹرائزڈ فہرست کیلئے احکامات جاری کر دیئے ہیں۔ یہ بات انہوں نے ملتان ایئر پورٹ پر میڈیا سے گفتگو کے دوران کہی۔ ان کا کہنا تھا کہ ضمنی انتخابات نئی کمپیوٹرائزڈ فہرستوں کے مطابق ہوں گے اور کمپیوٹرائزڈ شناختی کارڈ سے ہی ووٹرز اپنا حق رائے دہی استعمال کر سکیں گے۔ انہوں نے مزید بتایا کہ الیکٹرونکس ووٹنگ مشین متعارف کرا رہے ہیں جسے سادہ لوح افراد بھی استعمال کر سکیں گے، اس مشین سے اخراجات کم سے کم آئیں گے۔ ملتان کے صوبائی حلقہ پی پی 194 کے ضمنی انتخابات کیلئے 2 پولنگ اسٹیشنوں پر الیکٹرونک ووٹنگ مشین فراہم کی جائے گی جو آزمائشی طور پر ووٹرز استعمال کریں گے جس کا انتخابات کے نتائج سے کوئی تعلق نہیں ہو گا ۔
