پاکستان
23 اپریل ، 2012
23 اپریل ، 2012 
فاسٹ اٹیک کرافٹ پی این ایس عظمت پاک بحریہ کے بیڑے میں شامل
23 اپریل ، 2012
کراچی … چین کے تعاون سے تیار ہونے والی پاکستان نیوی کی پہلی فاسٹ اٹیک کرافٹ پی این ایس عظمت کو پاک بحریہ کے بیڑے میں شامل کر لیا گیا ہے۔ کمیشننگ کی تقریب چین کے ژنگانگ شپ یارڈ میں ہوئی جس کے مہمان خصوصی چیف آف نیول اسٹاف ایڈمرل محمد آصف سندھیلہ تھے۔ تقریب سے خطاب کرتے ہوئے نیول چیف نے کہا کہ فاسٹ اٹیک کرافٹ متعلقہ افراد کی انتھک محنت اور عزم کا منہ بولتا ثبوت ہے۔ ان کا کہنا تھا کہ یہ کاوش پاک چین دیرینہ دوستی کی ایک اور مثال ہے، پاکستان اور چین کے درمیان ٹیکنالوجی کی منتقلی کی بنیاد پر 2 فاسٹ اٹیک کرافٹ (میزائل) کی تیاری کا معاہدہ ہوا تھا۔ معاہدے کی رو سے پہلی کرافٹ میزائل چین میں جبکہ دوسری کراچی شپ یارڈ اینڈ انجینئرنگ ورکس میں تیار ہو گی۔
مزید خبریں :
ڈنمارک سفارت خانےکے 3 رکنی وفد کی اڈیالہ جیل آمد
2 گھنٹے پہلے
پی آئی اے نے خلیج کیلئے فلائٹ آپریشن بحال کردیا
7 گھنٹے پہلے
