25 اپریل ، 2012 
لندن اولمپکس کی تیاریاں زور و شور سے جاری
25 اپریل ، 2012
لندن ... لندن اولمپکس کے آغاز میں اب کچھ ہی دن باقی رہ گئے ہیں اور برطانیہ میں تیاریاں زور و شور سے جاری ہیں ۔اس سلسلے میں آٹھ ہزار مشعلیں تیار کئے جائیں گے۔برطانیہ کی ایک فیکٹری میں اولمپکس 2012کے لئے 8ہزار مشعلیں تیار کی جارہی ہیں۔ جس کے لئے ایک سو پچاس افراد کا گروپ دن رات محنت کر رہا ہے۔ اور روزانہ سو سے زائد مشعلیں تیار کر رہا ہے۔ ایک مشعل کا وزن800گرام ہے،اور اسے خصوصی المونیم سے تیار کیا گیا ہے۔یہ اب تک کے اولمپکس کی سب سے کم وزنی مشعل ہیں۔ خوبصورتی کے لئے سونیرے رنگ کے اس مشعل پر آٹھ ہزار سوراخ بھی بنائے گئے ہیں۔ جسے برطانیہ کے اردگرد نکالی جانے والی 70 روزہ ٹارچ ریلی کے شرکاء میں سے ہر ایک کو دی جائے گی۔ 18مئی کو اولمپکس مشعل برطانیہ پہنچے گی اور19 مئی کی صبح ٹارچ ریلی کا آغاز ہوگا۔انتظامیہ کو یقین ہے کہ مشعل بردار ریلی سے پہلے ہی وہ 8ہزار مشعلیں تیار کرنے میں کامیاب ہوجائیں گے۔
