25 اپریل ، 2012 
وزیراعظم کی زیرصدارت رات گئے اہم اجلاس،آرمی چیف اور وزراء کی شرکت
25 اپریل ، 2012
اسلام آباد…وزیراعظم یوسف رضا گیلانی کی صدارت میں پی ایم ہاؤس میں بدھ کی شب اہم اجلاس منعقد ہوا جس میں آرمی چیف جنرل اشفاق پرویز کیانی،ڈی جی آئی ایس آئی لیفٹنٹ جنرل ظہیرالاسلام، وزیر خارجہ حنا ربانی کھر، وزیر دفاع احمد مختار،وزیرداخلہ رحمن ملک،وزیرخزانہ ڈاکٹرحفیظ شیخ، سیکریٹری خارجہ ،امریکا میں پاکستان کی سفیر شیری رحمن اور دیگر اعلیٰ حکام نے بھی شرکت کی۔اس موقع پر پارلیمنٹ کی سفارشات کی روشنی میں نیٹو ،ایساف اور امریکا سے نئی ترجیحات کے مطابق تعلقات سمیت اہم امور اور قواعد وضوابط بھی زیرغور آئے،جبکہ ان تعلقات کے ازسرنو تعین کا بھی جائزہ لیا گیا۔اجلاس میں افغانستان اور خطے میں امن و مفاہمتی عمل پر بھی غور کیا گیا۔اجلاس میں پاکستان کی سلامتی اورعلاقے کی موجودہ صورتحال پر بھی غور کیا گیا۔ذرائع کا کہنا ہے کہ اجلاس میں اہم فیصلے متوقع ہیں۔
مزید خبریں :
