26 اپریل ، 2012 
ٹنڈولکر اب سیاست کی وکٹ پر بھی کھیلنے کو تیار
26 اپریل ، 2012
ممبئی…کرکٹ کی دنیا پر حکمرانی کرنے کے بعد اب بھارتی اسٹار بیٹسمین سچن ٹنڈولکر نے سیاست کے میدان کی پچ پر بھی اننگز کھیلنے کا فیصلہ کیا ہے۔بھارتی میڈیا کی رپورٹس کے مطابق کرکٹ کے دیوتا دنیا پر راج کرنے والے سچن ٹنڈولکر کو اب عوام کا خدمت گار بنانے کی تیاری کی جارہی ہے اور حکومت ان، بھارتی وزیر اعظم من موہن سنگھ نے ٹنڈولکر کا نام راجیہ سبھا کی نشست کیلئے نامزد کرنے کا فیصلہ کرلیا ہے۔ رپورٹ کے مطابق جمعرات کی صبح سچن ٹنڈولکر نے اپنی اہلیہ کے ساتھ کانگریس کی صدر سونیا گاندھی سے ملاقات کی، یہ بھی معلوم ہوا ہے کہ وزارت داخلہ نے اس نشست کیلئے چار نام بھیجے ہیں جس میں ٹنڈولکر کے علاوہ دوسرا نمایاں نام ماضی کی اسٹائلش اداکارہ ریکھا کا ہے ، دوسری جانب کانگریس کے ایک اہم لیڈر اور بھارتی کرکٹ بورڈ کے نائب صدر راجیو شکلا نے ان خبروں کی تردید کی ہے ۔
