23 اکتوبر ، 2022 
23 اکتوبر ، 2022
پاکستانی اداکار اور سوشل میڈیا اسٹار مومن ثاقب نے بھارت کے خلاف میچ میں افتخار احمد کی جانب سے ایک اوور میں 3 چھکے مارنے پر بھارتی مداح کو مٹھائی کھلائی۔
پاکستان اور آسٹریلیا کے درمیان میلبرن کرکٹ گراؤنڈ میں ٹی ٹوئنٹی ورلڈکپ کا میچ کھیلا جا رہا ہے اور گرین شرٹس نے بھارت کو جیت کے لیے 160 رنز کا ہدف دیا ہے۔
پاکستان کی جانب سے شان مسعود اور افتخار احمد نے ذمہ دارانہ بیٹنگ کا مظاہرہ کرتے ہوئے ففٹیز اسکور کیں اور ٹیم کا ٹوٹل 159 رنز تک پہنچایا۔
پاکستان کی اننگز کی خاص بات افتخار احمد کے 34 گیندوں پر 51 رنز کی اننگز تھی جس میں انہوں نے ایک اوور میں 3 چھکوں سمیت مجموعی طور پر 4 بلند و بالا چھکے لگائے۔
افختار احمد نے جب اکسر پٹیل کے ایک اوور میں 3 چھکے لگائے تو اسٹیڈیم میں موجود پاکستانی اداکار مومن ثاقب نے خوشی کا اظہار کیا اور بے ساختہ کہا ’ اوئے چاچو نے 3 چھکے مارے ہیں‘، اور پھر سوشل میڈیا اسٹار نے ان کے قریب ہی موجود بھارتی فین کو مٹھائی بھی کھلائی۔
یاد رہے کہ افتخار احمد پاکستان کی جانب سے ٹی ٹوئنٹی میں پہلی اننگز میں آسٹریلیا میں سب سے زیادہ چھکے لگانے والے بیٹر بن گئے ہیں، ان کے چھکوں کی تعداد 7 ہے۔
