علیحدگی پسند ماؤ نواز باغیوں کی تحریک کو دبانے کیلئے بھارتی فورسز نے اڑیسہ میں کارروائی کر کے 27 ماؤ باغیو ں کو مار دیا، ہلاک ہونے والوں میں خواتین بھی شامل ہیں۔

بھارتی فورسز نے یہ کارروائی آندھرا پردیش اور اڑیسہ کی سرحد پر ملکن گری میں کی ،جس میں مرنے والے ماؤنوازوں کی تعداد 27 ہو گئی ہے۔

بھارتی سیکورٹی فورسز نے کل 24 لاشوں کو قبضے میں لیا تھا، لیکن آج صبح اس علاقے سے مزید 3 لاشیں ملی ہیں ، مارے جانے والوں میں مردوں کے ساتھ خواتین بھی شامل ہیں،آپریشن میں بھارتی فورسز کے2 کمانڈوز بھی شدید زخمی ہوئے۔