کینیڈا کی عدالت سے مجرم قرار پانے والا پاکستانی نژاد شخص سزا سنائے جانے سے پہلے کینیڈا چھوڑ کر فرار ہوگیا، کینیڈین میڈیا کا دعویٰ ہے کہ معظم طارق پاکستان چلا گیا ہے ۔

پاکستانی نژاد کینیڈین شہری معظم طارق پر ایک خاتون پر جنسی حملے کا الزام تھا اور عدالت نے اکتوبر میں اسے مجرم قرار دیا تھا، برمپٹن کا رہائشی 29 سالہ معظم کو دس ہزار ڈالر ضمانت پر رہا کیا گیا تھا اور اسے یکم دسمبر کو سزا سنائی جانی تھی۔

کراؤن پرسیکیوشن سروس نے عدالت کو بتایا کہ معظم طارق 18 نومبر کو پاکستان فرار ہوچکا ہے۔ خاتون سے زیادتی کے الزام میں معظم طارق کوتین سال قید کی سزا سنائے جانے کا امکان تھا ۔