پاکستان
22 مارچ ، 2017
22 مارچ ، 2017 
ڈی آئی خان: گومل یونیورسٹی میں 2 طلبا گروپوں میں تصادم
22 مارچ ، 2017
پنجاب یونیورسٹی کا جھگڑا خیبرپختونخوا تک پہنچ گیا، ڈیرہ اسماعیل خان کی گومل یونیورسٹی میں 2 طلبا گروپوں میں تصادم کے بعد کشیدہ صورتحال کے باعث پولیس ،ایف سی اور فوج کو طلب کرلیا گیا۔
ڈیرہ اسماعیل خان کی گومل یونیورسٹی میں اسلامی جمعیت طلبہ کی جانب سے ٹیلنٹ پروگرام رکھا گیا تھا جس پر پختون اسٹوڈنٹس فیڈریشن کے طلبا نے احتجاج کیا، اس دوران دونوں طلبہ گروپ آمنے سامنے آگئے اور ایک دوسرے کے خلاف شدید نعرے بازی کی گئی۔
احتجاج کے دوران اسلامی جمعیت طلبہ کا کیمپ بھی گرادیا گیا جس پر دونوں جانب سے ہنگامہ آرائی شروع ہوگئی۔
پختون اسٹوڈنٹس فیڈریشن کا کہنا تھا کہ گزشتہ روز لاہور اسلامی جمعیت طلبہ کی جانب سے ان کا پروگرام نہیں ہونے دیا گیا تھا جس پر وہ بھی اسلامی جمعیت طلبا کا پروگرام نہیں ہونے دیں گے۔
