09 فروری ، 2015 
پاکستان میں دہشتگردی کو فروغ دینے کا پروپیگنڈا جھوٹا ہے،سعودی عرب
09 فروری ، 2015
اسلام آباد........سعودی عرب نے کہاہے کہ پاکستان کے دینی مدارس اور فلاحی اداروں کو امداد پاکستانی وزارت خارجہ کی سفارشات پر دی جاتی ہے، یہ پروپیگنڈا جھوٹ ہے کہ سعودی عرب پاکستان میں دہشت گردی کو فروغ دے رہا ہے۔ اسلام آباد میں سعودی سفارت خانے سے جاری بیان میں کہا گیا ہے کہ پاکستان کے مختلف مدارس، مساجد اور رفاہی تنظیموں کی درخواستیں ملنے کے بعد پاکستانی وزارت خارجہ کے ذریعے درخواست دینے والوں کی مکمل چھان بین کی جاتی ہے، پاکستانی حکومت جب تحریری ضمانت دیتی ہے کہ سعودی امداد رفاہی کاموں پر ہی خرچ ہو گی تو سعودی حکومت یہ امداد جاری کرتی ہے۔ سعودی سفارت خانے کے مطابق سعودی امداد فرقہ وارایت کو بالائے طاق رکھ کر فراہم کی جاتی ہے،سعودی عرب دہشت گردی کے خلاف جنگ میں قریبی معاون ہے۔
مزید خبریں :
امریکا میں سفارتکاری: بلاول بمقابلہ بینظیر بھٹو
10 گھنٹے پہلے
گوادر میں زلزلے کے جھٹکے، شدت 3 ریکارڈ
08 جون ، 2025
کراچی اور اورماڑہ میں زلزلے کے جھٹکے محسوس کیے گئے
08 جون ، 2025
