20 فروری ، 2015 
پی ٹی آئی کاقبل ازوقت دوبارہ انٹراپارٹی الیکشن کرانےکا فیصلہ
20 فروری ، 2015
لاہور.......پاکستان تحریک انصاف نےوقت سےقبل دوبارہ انٹراپارٹی الیکشن کرانےکا فیصلہ کر لیا ہے۔یہ فیصلہ پارٹی کے اندراختلافات ختم کرنے کے لیے کیا گیا۔پاکستان تحریک انصاف کے باوثوق ذرائع نے جیو نیوز کو بتایا کہ انٹرا پارٹی الیکشن کا انعقادجون میں ہونے والے بلدیاتی انتخابات سے قبل مکمل کرنے کا فیصلہ کیا گیا ہے۔ پارٹی انتخابات سے قبل ممبر سازی مہم بھی چلائی جائے گی۔ پی ٹی آئی کی جانب سے ممبر سازی اور انٹرا پارٹی الیکشن کرانے کا مقصد بلدیاتی انتخابات کی تیاری کرناہے۔ پی ٹی آئی نے دو سال قبل چار سالہ مدت کے انٹرا پارٹی الیکشن کرائے تھے۔پارٹی دستور کے مطابق پارٹی الیکشن کا دوبارہ انعقاد 2017 میں ہونا تھا۔ ادھر پی ٹی آئی مرکزی ترجمان شیرین مزاری کا کہنا ہے کہ انٹرا پارٹی الیکشن کرانے کے وقت کا فیصلہ نہیں ہوا۔ تاہم انٹرا پارٹی الیکشن سے قبل پارٹی دستور پر نظر ثانی اور ممبر سازی مہم چلانے کا فیصلہ ہو چکا ہے۔
مزید خبریں :
راول ڈیم میں نہاتے ہوئے 3 نوجوان ڈوب کر جاں بحق
54 منٹ پہلے
امریکا میں سفارتکاری: بلاول بمقابلہ بینظیر بھٹو
12 گھنٹے پہلے
گوادر میں زلزلے کے جھٹکے، شدت 3 ریکارڈ
08 جون ، 2025
