سڈنی........ورلڈ کپ کرکٹ میںآسٹریلیا نے سری لنکا کو 64رنز سے ہرادیا،سڈنی میں کھیلے گئے ہائی اسکورنگ میچ میںسری لنکا377 رنز کے ہدف کے تعاقب میں9وکٹوں کے نقصان پر312رنز بناسکاتاہم آسٹریلین بالرز کو دبائو میں رکھا۔ہدف کے تعاقب میں سری لنکا کی پہلی وکٹ صرف5رنز پر گر گئی تھی لیکن دوسری وکٹ پر سنگاکارا اورتلکا رتنے دلشان نے130رنز کی شراکت کی،135کے مجموعے پر تلکا رتنے62رنز بنا کر پویلین لوٹ گئے،جس کے بعد مہیلا جے وردھنے کھیلنے آئے لیکن بد قسمتی سے وہ19رنز بنا کر رن آئوٹ پو گئے،لیکن سنگاکارا نے اپنی جدو جہد جا ری رکھی اور اپنی سنچری مکمل کی انہوں نے107گیندوں کا سامنا کرتے ہو ئے11چوکوں کی مدد سے104 رنز کی اننگ کھیلی،سری لنکا کا مجموعہ جب 201رنز پر پہنچا تو سنگاکارا104رنز بنا کر جیمز فاکنر کا شکار ہو گئے اور پویلین لوٹ گئے۔میتھیوز35 رنزاور چندی مل52 رنزنےجارحانہ بیٹنگ سے میچ کو دلچسپ بنادیا اور ایک موقع سری لنکا کی جیت کے امکانات بھی نظر آنے لگے تھے تاہم چندی مل بیٹنگ کے دوران ان فٹ ہو کر میدان سے باہر چلے گئے جس کے بعد سری لنکا کا کوئی کھلاڑی جم کر بیٹنگ نہ کر سکا اور وقفے وقفے سے اپنی وکٹیں گنواتے رہے،بعد میںچندی مل بیٹنگ کےلئے نہ آسکے یوں سری لنکا 9وکٹوں کے نقصان پر312رنزتک محدود رہا،۔آسٹریلیا کے میکس ویل کو شاندار اور تیز ترین سنچری بنانے پر میچ کا بہترین کھلاڑی قرار دیاگیا۔