04 مئی ، 2012 
وزیراعظم رہیں گے یا نہیں، تفصیلی فیصلے سے واضح ہوگا، چوہدری شجاعت
04 مئی ، 2012
اسلام آباد … مسلم لیگ ق کے صدر چوہدری شجاعت حسین نے کہا ہے کہ سپریم کورٹ کا تفصیلی فیصلہ آنے سے واضح ہو جائے گا کہ یوسف رضا گیلانی وزیر اعظم رہیں گے یا نہیں۔ آرمی چیف کا بیان سب نے سن لیا ہے اور انہیں سمجھ بھی آ گئی ہوگی، اس بیان کا کافی اثر پڑے گا۔ پارلیمنٹ ہاوٴس کے باہر میڈیا سے بات کرتے ہوئے چوہدری شجاعت نے کہا کہ سپریم کورٹ حملہ کیس میں نواز شریف پر توہین عدالت لگ جائے گی جبکہ سپریم کورٹ کا تفصیلی فیصلہ آنے پر واضح ہوگا کہ یوسف رضا گیلانی وزیر اعظم رہیں گے یا نہیں۔ چوہدری شجاعت نے کہا کہ مسلم لیگ ن والے نئے صوبوں کے قیام کیلئے جس رفتار سے قرار دادیں لا رہے ہیں، لگتا ہے وہ کل رائے ونڈ کو بھی نیا صوبہ بنانے کا کہہ دیں گے۔ چوہدری شجاعت حسین نے کہا کہ ان کی جماعت حکومت اور ن لیگ کے درمیان باکسنگ میں حصہ نہیں لے گی۔
مزید خبریں :
