04 مئی ، 2012 
جون تک آئی ایم ایف کو 51 کروڑ ڈالر مزید واپس کردینگے، وزارت خزانہ
04 مئی ، 2012
اسلام آباد … آئی ایم ایف کو جون تک قرض کے 51 کروڑ ڈالر کی ادائیگی کی جائے گی، جن میں 24 مئی کو 40 کروڑ ڈالر جبکہ 29 جون کو 11 کرو ڑ ڈالر کی تیسری قسط واپس کی جائے گی۔ اس طرح رواں مالی سال کے اختتام تک آئی ایم ایف کو ایک ارب 20 کروڑ ڈالر کی ادائیگیاں کردی جائیں گی۔ وزارت خزانہ کے ذرائع نے جیو نیوز کو بتایاکہ آئی ایم ایف کو اسٹینڈ بائی پروگرام کے تحت 99 کروڑ ڈالر قرض کی واپسی کی مد میں ادا کیے جائیں گے جبکہ 2008ء سے پہلے کے آئی ایم ایف بقایات جات کا 21 کروڑ ڈالر کا سود بھی ادا کردیا گیا ہے۔ 24 فروری 2012ء کو آئی ایم ایف کو 41 کروڑ ڈالر واپس کردیئے گئے ہیں اور اس طرح اسٹینڈ بائی پروگرام کے تحت لئے جانے والے 7 ارب 80 کروڑ ڈالر میں سے 99 کروڑ ڈالر کا قرض اسی مالی سال میں واپس کیا جائے گا۔ آئندہ مالی سال کے آغاز میں آئی ایم ایف کے قرض کا بوجھ 6 ارب 79 کروڑ ڈالر رہ جائے گا۔
مزید خبریں :
پنجاب حکومت نے زرعی آمدن پر ٹیکس میں اضافہ کردیا
21 جون ، 2025
وفاقی حکومت کا 5 لاکھ ٹن چینی درآمد کرنے کا فیصلہ
20 جون ، 2025
ملک میں فی تولہ سونا سیکڑوں روپے سستا ہوگیا
20 جون ، 2025
