09 اپریل ، 2015 
پاکستان میں میرےلئے کوئی نوگو ایریا نہیں ،ریحام خان
09 اپریل ، 2015
کراچی........ عمران خان کی اہلیہ ریحام خان کراچی پہنچ گئی ہیں ۔ کراچی ائیر پورٹ پر میںانہوں نے میڈیا سے بات کرتے ہوئے کہا پاکستان میں میرےلیے کوئی نوگو ایریا نہیں ہے،ہم کراچی بار بار آئیں گے،میرا مقصد ہے کہ میں اپنے شوہر کو سپورٹ کروں۔میرے شوہر یہاں آئے ہوئے ہیںان کا جو مشن ہوگا میں اس میں انکے ساتھ ہوں ۔ایک سوال کے جواب میں ریحام خان کا کہنا تھا کہ تلخیوں میں مٹھاس آگئی ہے ، تبدیلی آگئی ہے ۔ان کہنا تھا کہ این اے246سے پی ٹی آئی کے امیدوار عمران اسماعیل بہت ہی قابل احترام انسان ہیں،میرے بھائیوں جیسے ہیں،انشاءاللہ وہی کامیاب ہوں گے۔اگر وہ کے ٹو سر کرنے جاتے میں تب بھی انکے ساتھ ہوتی۔خان صاحب اگر ورلڈ کپ کھیلنے جاتے تو میں انکے ساتھ جاتی ۔این اے 246 کا ووٹر باشعور ہے اس بار غلطی نہیں کریں گے۔عوام عمران خان کے علاوہ کسی کو موقع نہیں دیں گے ۔
مزید خبریں :
