29 مئی ، 2015 
پنجاب میں گاڑیوں کیلئےایل این جی کی فراہمی کا نوٹیفکیشن جاری
29 مئی ، 2015
اسلام آباد......پنجاب میں آج سے گاڑیوں کے استعمال کےلیے ایل این جی کی فراہمی کا نوٹی فکیشن جاری کردیا گیا تاہم سی این جی اسٹیشن مالکان ایل این جی کے طے کردہ طریقہ کار پر تحفظات رکھتے ہیں جس کی وجہ سے اب تک کسی نے سوئی ناردرن میں ڈیمانڈ نوٹ ہی جمع نہیں کرائے۔ سی این جی ایسوسی ایشن کے وائس چیرمین ندیم خان کا کہنا ہے کہ آج سے گاڑیوں میں بھری جانے والی گیس سی این جی کے بجائے ایل این جی ہوگی، جسے گاڑی مالکان پرانے ٹینکوں میں بھروا کراستعمال کرسکیں گے،تاہم یہ گیس کلو گرام کے بجائے لیٹر میں فروخت کی جائے گی ، جس کی قیمت57روپے فی لیٹر ہوگی۔ سوئی ناردرن گیس کمپنی کے مطابق ایل این جی فروخت کرنے کےلیے 12لاکھ روپے کے ڈیمانڈ نوٹ جاری کیے گئے ہیں، ڈیمانڈ نوٹ ادا کرنے والے سی این جی اسٹیشن مالکان کو ہی ایل این جی فراہم کی جائے گی، تاہم مختلف شہروں میں گیس اسٹیشن مالکان کواس ڈیمانڈ نوٹ پر تحفظات تھے، جس کی وجہ سے انہوں نے رقم کی ادائیگی نہیں کی اورڈیمانڈ نوٹ جمع نہیں کرائے۔
مزید خبریں :
پنجاب حکومت نے زرعی آمدن پر ٹیکس میں اضافہ کردیا
21 جون ، 2025
وفاقی حکومت کا 5 لاکھ ٹن چینی درآمد کرنے کا فیصلہ
20 جون ، 2025
ملک میں فی تولہ سونا سیکڑوں روپے سستا ہوگیا
20 جون ، 2025
