کراچی… افضل ندیم ڈوگر… کراچی کے مختلف علاقوں میں آج صبح فائرنگ کے واقعات میں ایک سیکورٹی آفیسر سمیت پانچ افراد جاں بحق جبکہ ڈاکو مارا گیا۔ کلفٹن میں بینک ڈکیتی ناکام بنادی گئی۔ پولیس کے مطابق شیر شاہ، فیڈرل بی ایریا بلاک 9 کی دستگیر سوسائٹی اور نیوٹاوٴن میں عسکری پارک کے قریب آج صبح فائرنگ اور پرتشدد واقعات میں تین افراد ہلاک ہوگئے۔ ڈیفنس فیز سیون میں خیابان بحریہ پر ایک بنگلے میں ڈاکیتی کی واردات کے دوران 15 پولیس کی اطلاع پر ڈی ایچ اے کی سیکیورٹی کے اہلکار اور پولیس پہنچ گئی۔ اس دوران مقابلے میں ڈی ایچ اے سیکیورٹی کا فیلڈ انسپکٹر ظفر اقبال جاں بحق ہوگیا۔ ڈی ایس پی درخشاں شیراز اصغر شیخ کے مطابق پولیس اور ڈی ایچ اے سیکورٹی کے اہلکاروں نے مقابلے کے بعد ایک زخمی ملزم سمیت دو ڈاکوں کو گرفتار کرلیا۔ کلفٹن کے علاقے بلاک 5 میں ایک نجی بینک میں ڈکیتی کی کوشش پولیس اور سیکورٹی گارڈز نے ناکام بنادی، ملزمان گارڈز کا اسلحہ لے کر فرار ہوگئے۔ سہراب گوٹھ کے قریب ایک رہائشی عمارت میں واردات کے دوران پولیس مقابلے میں ایک ملزم ہلاک ہوگیا۔ پولیس سے مقابلے کے بعد ملزمان فرار ہوگئے۔ جبکہ پولیس نے چار سو فلائٹس پر مشتمل عمارت کا کئی گھنٹے تک محاصرہ کرکے تلاشی لی اور مشتبہ افراد کو حراست میں لے کر پوچھ گچھ کی۔