11 مئی ، 2012 
ایلوس پریسلے کا نایاب پورٹریٹ 37ملین ڈالر میں نیلام
11 مئی ، 2012
نیویارک …این جی ٹی…نیویارک میں ہونے والی ایک نیلامی میں کنگ آف راک اینڈ رول ایلوس پریسلے کا نایاب پورٹریٹ ریکارڈ قیمت میں نیلام ہوگیا۔معروف نیلام گھر Sotheby'sکے تحت ہونے والی اس نیلامی میں مایہ نازامریکی پاپ و ویژول آرٹسٹ اینڈی وارہول کی تیار کردہ ڈبل ایلوس نامی ایلوس پریسلے کی پورٹریٹ نیلامی کے لیے پیش کی گئی تھی۔اپنی نوعیت کی نایاب اور منفرد اہمیت کی حامل اس پورٹریٹ کی صرف22کاپیاں تیار کی گئی تھیں جن میں سے نو مختلف میوزیمز کی زینت ہیں جبکہ ڈبل ایلوس(فیرس ٹائپ)نیلامی کے لیے پیش کی گئی۔کنگ آف راک کی کاؤ بوائے اسٹائل کی یہ بلیک اینڈ وائٹ پورٹریٹ ریکارڈ37ملین ڈالر میں ہوئی جبکہ منتظمین کی جانب سے اس کی30سے50ملین ڈالر میں نیلام ہوجانے کی توقعات ظاہر کی گئی تھیں۔
