کراچی....... جاپان کے ڈپٹی قونصل جنرل MR.YASUHARU SHINTO نے کراچی میں قائد تحریک الطاف حسین کے والد کے نام سے منسوب نذیر حسین میڈیکل کمپلیکس اور عباسی شہیداسپتال میں قائم خدمت خلق فائونڈیشن کے بلڈ بینک کا دورہ کیا۔اس موقع پر ایم کیوایم کی رابطہ کمیٹی کے رکن اور چیف ٹرسٹی کے کے ایف ڈاکٹر نصرت شوکت،ڈپٹی چیف ٹرسٹی احمد علی،فیصل صابر، نذیر حسین اسپتال کے سپرنٹنڈنٹ ڈاکٹر فہیم اورکنسلٹنٹ ڈاکٹر شاہد بھی موجود تھے۔ ڈپٹی قونصل جنرل MR,YASUHARU SHINTO نے کے کے ایف بلڈ بینک میںموجودتمام طبی آلات کے معیار پر اپنے اطمینان کا اظہار کیا۔ ڈاکٹر نصرت شوکت نے جاپان کے ڈپٹی قونصل جنرل MR.YASUHARU SHINTO کوالطاف حسین کی جانب سے خوش آمدیدکہا اور شکریہ اداکیا۔دریں اثنا ایم کیو ایم کے فلاحی ادارے خدمت خلق فائونڈیشن کی جانب سے منگل 9جون 2015 دوپہر12بجے لانڈھی میڈیکل کمپلیکس نزد بابر مارکیٹ میںکے کے ایف کے زیر انتظام فارمیسی کا افتتاح کیا جائے گا۔ فارمیسی کا افتتاح ایم کیوایم کی رابطہ کمیٹی کے ارکان اور حق پرست ارکان اسمبلی کریں گے۔