کراچی......متحدہ قومی موومنٹ کی رابطہ کمیٹی نے وزیراعظم نوازشریف کی جانب سے کراچی میں پولیس،رینجرزاوردیگرسرکاری اداروں کے ہاتھوں ماورائے عدالت قتل کئے جانے والے کراچی کے شہریوںکومکھی قراردینے کی شدیدمذمت کی ہے ۔ اپنے ایک بیان میںرابطہ کمیٹی نے کہا کہ کراچی کے شہریوں کو ہڑتالوںکاکوئی شوق نہیں اورکوئی بھی خوشی سے احتجاج اورہڑتال نہیں کرتا۔اگرپولیس، رینجرزاور دیگر سرکاری ایجنسیوں کے اہلکار ایم کیوایم کے معصوم وبے گناہ کارکنوں کوگرفتارکریں اورانہیں عدالتوں میں پیش کرنے کے بجائے سرکاری حراست میں وحشیانہ تشدد کا نشانہ بناکر ماردیں، اس کھلے ظلم پر نہ پولیس ،رینجرزاوراداروںکے حکام سنیں، نہ صوبائی حکومت انصاف فراہم کرے اور نہ ہی وفاقی حکومت نوٹس لے تو ایم کیوایم کے پاس اپنے بے گناہ کارکنوںاورہمدردوں کے ماورائے عدالت قتل پرپرامن احتجاج یاہڑتال کرنے کے سوااورکیاچارہ رہ جاتاہے ؟ یہ امرافسوسناک ہے کہ وزیراعظم ایک جانب تو مظلوموںکی دہائیاں سننے کیلئے تیارنہیں ہیںاورجب ماورائے عدالت قتل پر احتجاج ہوتو وزیراعظم یہ کہہ رہے ہیں کہ ’’ کراچی میں مکھی بھی مرجائے تواحتجاج اورہڑتال کی جاتی ہے ‘‘ ۔ رابطہ کمیٹی نے کہاکہ وزیراعظم کے یہ خیالات نہ صرف سراسر افسوسناک ہیںبلکہ ماورائے عدالت قتل کئے جانے والے معصوم وبے گناہ افرادکے لواحقین کے زخموں پر نمک پاشی کے مترادف ہیں،کیا کہ کیا وزیراعظم کی نظرمیں کراچی کے معصوم شہری انسان نہیں بلکہ مکھی ہیں ؟ کیاکراچی کے معصوم وبے گناہ انسانوں کی کوئی حیثیت نہیں ؟ رابطہ کمیٹی نے کہاکہ وزیراعظم نوازشریف اپنے الفاظ واپس لیں اوراس پر کراچی کے شہریوں سے معافی مانگیں ۔