31 جولائی ، 2015 
خیبر پختونخوا کے 362 پولنگ اسٹیشنز میں ری پولنگ کے نتائج کا سلسلہ جاری
31 جولائی ، 2015
پشاور........خیبر پختونخوا میں آج ہونے والے بالدیاتی انتخابات کے غیر حتمی و سرکاری نتائج کی آمد کا سلسلہ جاری ہے۔ ذرائع کے مطابق ضلع کونسل کی93 اور تحصیل کونسل کی 64نشستوں کے غیر حتمی نتائج اور غیر سرکاری نتائج آگئے ہیں۔ 30مئی کو ضلع کونسل کی 116اور تحصیل کونسل کی 114نشستوں پر دوبارہ پولنگ ہوئی۔ اب تک ضلع کونسل کی 93نشستوں کے غیر حتمی اور غیر سرکاری نتائج موصول ہوگئے ہیں، جس کے مطابق پی ٹی آئی42، جےیوآئی (ف)12، اے این پی7، جماعت اسلامی4، قومی وطن پارٹی4، مسلم لیگ(ن)3 اور آزاد امیدوار21 نشستوں پر کامیاب قرار دیے گئے ہیں۔ اسی طرح اب تک تحصیل کونسل کی 64نشستوں کے غیر حتمی، غیر سرکاری نتائج موصول ہو گئے ہیں، جس کے مطابق پی ٹی آئی کی 18نشستیں، جبکہ جے یوآئی(ف)9، اے این پی8، قومی وطن پارٹی4، مسلم لیگ(ن)3، جماعت اسلامی2 اور آزاد امیدوار21 نشستوں پر کامیاب ہوئے ہیں۔
