دنیا
07 اگست ، 2015
07 اگست ، 2015 
امریکی جوائنٹ چیفس آف اسٹاف کے ای میل سسٹم پر ہیکرز کا حملہ
07 اگست ، 2015
واشنگٹن.......امریکی محکمہ دفاع پینٹا گون نے روسی ہیکرز کے حملے کے بعد جوائنٹ چیفس آف اسٹاف کا ای میل سسٹم دو ہفتوں کے لیے بند کردیا ہے ۔ امریکی ٹی وی کے مطابق روسی ہیکرز نے جوائنٹ چیفس آف اسٹاف کے ای میل سسٹم تک رسائی حاصل کرلی ۔ یہ واضح نہیں ہے کہ ہیکرز کو روسی حکومت کی سرپرستی حاصل تھی یا نہیں ۔ ترجمان پینٹا گون کا کہنا ہےکہ سائبر سیکیورٹی سے متعلق خطرات کی نشاندہی اور ان پر قابو پانے کا عمل جاری ہے ۔ اس مقصد کو ذہن میں رکھتے ہوئے جوائنٹ چیفس آف اسٹاف کا ای میل نیٹ ورک بند کیا گیا ہے اور تحقیقات کی جارہی ہے ۔ ترجمان کے مطابق ای میل سسٹم کی جلد از جلد بحالی پینٹا گون کی اولین ترجیح ہے۔
مزید خبریں :
