کراچی......سابق رکن قومی اسمبلی نبیل گبول نے کہا ہے کہ مجھے محمد انور کا فون آیا جس میں انہوں نے کہا کہ الطاف بھائی نےپیغام دیاہےکہ آپ بہت اچھل رہےہو، پیغام دیا گیا کہ آپ کا حال دوسروں کی طرح ہوگا، محمد انور کو جواب دیا کہ میں ڈاکٹر عمران فاروق نہیں ہوں،جوکرنا ہے کرلو۔نبیل گبول نے جیو نیوز کے پروگرام ’’آج شاہ زیب خانزادہ کے ساتھ ‘‘میں گفتگو کرتے ہوئے مزید کہا کہ جس دن ایم کیوایم چھوڑی اسی دن پارٹی کوکہا کہ میں بکری نہیں ہوں،الطاف حسین کو خبردار کر دیا تھا کہ رابطہ کمیٹی کے ارکان پیٹھ میں چھرا گھونپنے والے ہیں،کراچی میں امن اس لیے ہے کہ یہاں آپریشن صحیح سمت میں آگے بڑھ رہا ہے۔ ان کا کہنا تھا کہ سیکیورٹی کےلیےعدالت سےرجوع کرنے کے علاوہ کوئی اورچارہ نہیں۔ متحدہ قومی موومنٹ کے رہنما محمد انور نے پروگرام ’’شاہ زیب خانزادہ کے ساتھ ‘‘میں گفتگو کرتے ہوئے کہا کہ نبیل گبول کو قتل کی دھمکیاں نہیں دیں۔ انہوں نے سوال کیا کہ نبیل گبول صبح سچ بول رہے تھے یا ابھی سچ بول رہے ہیں۔