17 مئی ، 2012
نیویارک … عالمی مارکیٹ میں خام تیل اور سونے کی قیمتوں میں ریکارڈ کمی دیکھی جا رہی ہے۔ ایشائی منڈی میں خام تیل جون کے سودے 26 سینٹس کمی کے بعد 93 ڈالر 7 سینٹس جبکہ نارتھ برینٹ جون کے سودوں کی قیمت 30 سینٹس کمی کے بعد 109 ڈالر 45 سینٹس فی بیرل ہو گئی ہے۔ ایشائی منڈی میں سونا 1 فیصد کمی کے بعد 1536 ڈالر 60 سینٹس فی اونس کی قیمت پر ٹریڈ ہوتے دیکھا گیا جبکہ مقامی سطح پر سونے کی فی تولہ قیمت 700 روپے کمی کے بعد 53ہزار800 اورفی دس گرام سونے کی قیمت 600 روپے کمی کے بعد 46 ہزار 114 روپے ہوگئی ہے۔ تجزیہ کاروں کے مطابق یورو زون میں جاری معاشی بحران ، یونان کے معاشی مسائل اور امریکی حصص بازاروں میں مندی کے باعث خام تیل اور سونے کی قیمتوں میں مسلسل کمی ہو رہی ہے۔