20 اگست ، 2015 
ہاکی فیڈریشن کے صدر اختر رسول نے عہدے سے استعفیٰ دیدیا
20 اگست ، 2015
لاہور......پاکستان ہاکی فیڈریشن کے صدر اختر رسول نے اپنے عہدے سے استعفیٰ دے دیا ،بریگیڈئر ریٹائرڈ خالد سجاد کھوکھر کو ذمہ داریاں سونپنے کا فیصلہ کر لیا گیا ہے۔1982 کے ورلڈ کپ کی فاتح پاکستان ہاکی ٹیم کے کپتان اختر رسول نے 2013 میںقاسم ضیا کی جگہ ہاکی فیڈریشن کی باگ ڈور سنبھالی تھی ، اختر رسول کے ڈھائی سالہ دور میںبھی قومی ٹیم کی کارکردگی کا گراف بلند نہ ہوسکا،بلکہ قومی ٹیم اولمپک کے لیے کوالیفائی کرنے سے بھی محروم رہی اس مایوس کن کارکردگی کے بعد ہر جانب سے ہاکی فیڈریشن پر تنقیدہوئی اور حکومتی سطح پر بھی اس بات کا نوٹس لیا گیا،بالآخر اختر رسول نے پی ایچ ایف کے صدرکے عہدے سے استعفیٰ دے دیا،ان کی جگہ بریگیڈیئر ریٹائرڈ خالد سجاد کھوکھر کو پی ایچ ایف کا نیا صدر مقرر کرنے کا فیصلہ کیا گیا ہے۔
مزید خبریں :
میلبرن اسٹارز نے حارث کو ٹیم میں رکھنے کی وجہ بتادی
20 جون ، 2025
پاکستان ایف آئی ایچ نیشنز کپ کے سیمی فائنل میں پہنچ گیا
18 جون ، 2025
اگلا ہدف ورلڈ چیمپئن شپ ہے: ارشد ندیم پُر عزم
18 جون ، 2025
