اسلام آباد… ملکی قوانین میں درکار ترامیم اور نظام انصاف کو موثر بنانیکی سفارشات مرتب کرنے کیلئے لاء اینڈ جسٹس کمیشن کا اجلاس ، اسلام آباد میں جاری ہے، چیف جسٹس افتخارمحمدچودھری نے کہاہے کہ عوام کو جلد انصاف دینے کیلئے ضلعی عدلیہ میں ججز کی تعداد بڑھانا ہوگی ۔ لاء اینڈ جسٹس کمیشن آف پاکستان کا اجلاس ، اسلام آباد میں چیف جسٹس آف پاکستان کی زیر صدارت ہوا، اس میں میں وفاقی شرعی عدالت، ہائی کورٹ کے چیف جسٹسز ، اٹارنی جنرل، سیکریٹری قانون، نئے نامزد ارکان جسٹس ریٹائرڈ کریم خان کنڈی، اقبال حیدر، عابد منٹو شریک ہوئے، اجلاس کے ایجنڈے میں قیدی خواتین میں شامل حاملہ اور دودھ پلاتی ماوٴں کو ضمانت دینے، تفتیشی عمل میں نقائص دور کرنے کیلئے قانونی ترمیم پر غورشامل ہے، اجلاس میں گھریلوتنازعات کے ثالثی حل ، امتناع تمباکونوشی قانون کا اثر بڑھانے ، ہائی کورٹ قواعد میں تبدیلی، سروسز ٹربیونل ایکٹ میں بہتری کی تجاویز پر بھی غور بھی شامل ہے، افتتاحی خطاب میں چیف جسٹس نے کہاکہ عصرحاضر کے تقاضوں کو پورا کرنے کیلئے قوانین میں ترمیم ضروری ہے، اس کے ساتھ ضلعی عدلیہ میں سول جج سے لیکر ڈسٹرکٹ جج تک کی تعداد بڑھانے کی ضرورت ہے، اجلاس کے فیصلوں کا باضابطہ اعلان آج شام کو ہوگا۔