05 اکتوبر ، 2015 
الطاف حسین آج لندن پولیس اسٹیشن میں پیش ہونگے
05 اکتوبر ، 2015
لندن......ایم کیو ایم کے قائد آج منی لانڈرنگ کیس میں لندن پولیس اسٹیشن میں پیش ہوں گے جہاں ان پر فرد جرم عائد کی جا سکتی ہے یا ان کی ضمانت میں توسیع بھی کی جا سکتی ہے ۔ایم کیو ایم کے قائد الطاف حسین کی مدت ضمانت آج ختم ہورہی ہے وہ سدک پولیس اسٹیشن میں پیش ہوں گے جہاں ان سے ایک بار پھر منی لانڈرنگ سے متعلق پوچھ گچھ کی جائے گی ۔
الطاف حسین کو پہلی بار گزشتہ سال تین جون کو گرفتار کیا گیا ۔ جب اسپیشلسٹ آپریشن یونٹ کے تفتیش کاروں نے کئی گھنٹے تک الطاف حسین کے گھر کی تلاشی لی تھی ۔ الطاف حسین کو ضمانت پر رہائی ملی اور آخری بار رواں سال جولائی میں ضمانت کی مدت میں ایک بار پھر توسیع کی گئی۔
اسکاٹ لینڈ یارڈ الطاف حسین کی رہائش گاہ سے ملنے والی رقم سےمتعلق مسلسل تحقیقات کررہی ہے ،اس کیس میں ایم کیوایم کے دیگر رہنماؤں سمیت 7 افراد نامزد ہیں ۔ یہ جاننے کی کوشش کی جارہی ہے کہ یہ رقم کن ذرائع سے حاصل کی گئی اور اسے کس مقصد کےلیے استعمال کیا جانا تھا۔
مزید خبریں :
چیئرمین واپڈا سجاد غنی نے عہدے سے استعفیٰ دے دیا
2 گھنٹے پہلے
کراچی کے مختلف علاقوں میں ایک بار پھر زلزلے کے جھٹکے
2 گھنٹے پہلے
ایران اسرائیل جنگ سے بلوچستان کیوں متاثر ہورہا ہے؟
20 جون ، 2025
