27 اکتوبر ، 2015 
اسٹیو جابز کی زندگی پر بنائی گئی فلم ناظرین کو پسند نہ آئی
27 اکتوبر ، 2015
نیویارک.......مشہور امریکی انٹرپرینیور اور ایپل کمپنی کے سی ای او اسٹیو جابز کی زندگی پر بنائی گئی فلم ناظرین کو پسند نہیں آئی۔ امریکی باکس آفس پر اپنی ریلیز کے بعد کچھ خاص کمال نہیں دکھا سکی۔
تقریباً 30 ملین ڈالرز سے بننے والی ہدایت کار ڈینی بوائل کی یہ فلم ریلیز کے دو ہفتوں میں اب تک صرف 9.98 ملین ڈالرز کما سکی ہے۔رواں ہفتے باکس آفس پر ہٹ فلموں میں ساتویں نمبر پر موجود ’اسٹیو جابز‘ میں کیٹ وینسلیٹ، مائیکل فیسبینڈر اور سیتھ روجن بھی اہم کردار ادا کر رہے ہیں۔
فیسبینڈر کو اس فلم کے لیے آسکر ایوارڈز میں بہترین اداکار کا مضبوط امیدوار سمجھا جا رہا ہے۔2011 میں انتقال کے بعد جابز کی زندگی پر تقریباً آدھا درجن دستاویزی فلمیں بن چکی ہیں ، جن میں بوائل کی فلم کو اچھے ریویوز ملے تھے۔رواں ہفتے امریکی باکس آفس پر ہولی وڈ فلم ’دی مارٹین‘ سر فہرست رہی۔
مزید خبریں :
فلم ’ جاٹ ‘ کی ریلیز کے ساتھ ہی سنی دیول مشکل میں پھنس گئے
18 اپریل ، 2025
فواد خان نے فلم ’عبیر گلال‘ کیلئے کتنے کروڑ معاوضہ لیا؟
17 اپریل ، 2025
