پاکستان
29 اکتوبر ، 2015
29 اکتوبر ، 2015 
حافظ آباد : فائرنگ سے بلدیاتی انتخاب کے امیدوار طارق جاوید زخمی
29 اکتوبر ، 2015
حافظ آباد ......حافظ آباد میں فائرنگ سے بلدیاتی انتخاب کے آزاد امیدوار طارق جاوید زخمی ہو گئے۔پولیس نے پی ٹی آئی کے دو نامزدجنرل کونسلروں سمیت 17کارکنوں کے خلاف مقدمہ درج کرلیاہے۔
پولیس کےمطابق حافظ آباد کے علاقے گڑھی اعوان میں ملزمان نے بلدیاتی امیدوار پر فائرنگ کردی۔ وارڈ نمبر 15 سے جنرل کونسلر کے امیدوار طارق جاویدکو اُس وقت فائرنگ کانشانہ بنایا گیا جب وہ اپنے دوست کے گھر میں بیٹھے ہوئے تھے۔
فائرنگ سے جاوید طارق زخمی ہوگئے تھے۔ تھانا سٹی پولیس نے طارق جاوید کی درخواست پر پی ٹی آئی کے 17کارکنوں کے خلاف مقدمہ درج کرلیاہے۔مقدمہ میں دو نامزد جنرل کونسلروں عادل حسین اور رائے ایاز کو بھی نامزد کیاگیا،تاہم کوئی گرفتار ی عمل میں نہیں آئی ہے۔
مزید خبریں :
