03 نومبر ، 2015 
اسرائیل، فلسطین میں جنگی جرائم کا مرتکب ہو رہا ہے، سعودی کابینہ
03 نومبر ، 2015
ریاض........سعودی عرب نے فلسطین میں اسرائیلی فوج کے مظالم کی شدید مذمت کرتے ہوئے الزام عاید کیا ہے کہ صہیونی ریاست نہتے فلسطینیوں کے خلاف وحشیانہ جنگی جرائم کی مرتکب ہو رہی ہے۔
عرب ٹی وی کے مطابق سعودی کابینہ کے گزشتہ روز ہونے والے اجلاس میں فلسطین میں اسرائیلی فوج کی ریاستی دہشت گردی کی شدید مذمت کی گئی۔ اس موقع پر جاری کردہ ایک بیان میں کہا گیا کہ قابض اسرائیلی فوج کے ہاتھوں نہتے اور معصوم فلسطینیوں کا قتل عام، مقدس مقامات کی بے حرمتی دہشت گردی کی بدترین شکلیں ہیں۔
سعودی عرب عالمی برادری سے فلسطینیوں پر اسرائیلی فوج کے منظم جرائم روکنے کے لیے پرزور مطالبہ کرتا ہے۔خادم الحرمین الشریفین شاہ سلمان بن عبدالعزیز کی زیرصدارت کابینہ کا اجلاس ریاض میں قصر الیمامہ میں ہوا۔
اجلاس میں پاکستان اور افغانستان میں ایک ہفتہ قبل زلزلے کے نتیجے میں ہونے والی اموات اور مصر میں روسی طیارے کے حادثے میں ہلاکتوں پر گہرے دکھ کا اظہار کیا گیا۔
مزید خبریں :
ٹرمپ کیا نئی گریٹ گیم کے سر خیل ہیں؟
8 گھنٹے پہلے
پیوٹن کا ایسٹر کے موقع پر یوکرین سے عارضی جنگ بندی کا اعلان
19 اپریل ، 2025
کانگو: کشتی میں آگ لگنے سے ہلاک افراد کی تعداد 148 ہوگئی
19 اپریل ، 2025
امریکا میں 1500 طلبا کے ویزے منسوخ، وجہ بھی سامنے آگئی
19 اپریل ، 2025
