04 نومبر ، 2015 
ایان علی بریت درخواست پر فیصلہ محفوظ ،6نومبر کو سنایا جائیگا
04 نومبر ، 2015
راولپنڈی ......کرنسی اسمگلنگ کیس میں ماڈل ایان علی کی بریت درخواست پر وکلا کےدلائل مکمل ہو گئے ،کسٹم عدالت نے فیصلہ محفوظ کرلیا،6 نومبر کوسنایاجائے گا۔
کسٹم عدالت راولپنڈی میں ماڈل ایان علی کی بریت درخواست پرسماعت ہوئی ، اس دوران کسٹم کےوکیل فرحت نواز لودھی نے کہا کہ ایان راول لاونج میں داخل ہوئیں تو ان کے پاس ڈالرز موجود تھے، جرم سرزد ہو چکا تھا، یہ ضروری نہ تھا کہ وہ کسٹم کاونٹر پرہی پکڑی جاتیں ۔
ایان کے وکیل لطیف کھوسہ نے دلائل میں کہ ایان علی کا دبئی میں دنیا کے سب سے مہنگے ٹاور میں گھر ہے، وہ اگر خالی ہاتھ بھی دبئی جاتی تو کونسی قباحت ہے، دنیا کے 41 شوبز اخباروں اور رسالوں نے ایان علی کی تصاویر صفحہ اول پرشائع کیں ، انہیں ایشیاء کی ابھرتی ماڈل قرار دیا گیا۔
ان کا کہناتھا کہ تفتیش میں یہ بھی نہیں دیکھا گیا کہ ایان نے بورڈنگ پاس کیوں نہ لیا ؟ ان کےبورڈنگ پاس لینے تک گرفتار کرنادرست نہ تھا ، یہ بھی ہوسکتا ہے کہ وہ راول لاونج سے واپس باہر چلی جاتیں۔
مزید خبریں :
راول ڈیم میں نہاتے ہوئے 3 نوجوان ڈوب کر جاں بحق
58 منٹ پہلے
امریکا میں سفارتکاری: بلاول بمقابلہ بینظیر بھٹو
12 گھنٹے پہلے
گوادر میں زلزلے کے جھٹکے، شدت 3 ریکارڈ
08 جون ، 2025
