پاکستان
24 مئی ، 2012
24 مئی ، 2012 
کوہاٹ: ایف آر جواکئی روڈ پر سائیکل میں نصب بم کا دھماکا، 7 افراد زخمی
24 مئی ، 2012
کوہاٹ … کوہاٹ کے علاقے ایف آر جواکئی روڈ پر بم دھماکے کے نتیجے میں 7 افراد زخمی ہوگئے۔ پولیس کے مطابق دھماکہ ایف آر جواکئی روڈ پر کھڑی سائیکل میں نصب دھماکہ خیز مواد پھٹنے سے ہوا۔ کوہاٹ سے ایف آر جواکئی جانے والی مسافر وین شین ڈھنڈ روڈ پر غلام بانڈہ کے مقام سے گزر رہی تھی کہ اچانک سڑک کنارے کھڑی سائیکل میں دھماکہ ہوا۔ پولیس کے مطابق دھماکہ ریموٹ کنٹرول سے کیا گیا،دھماکے کے نتیجے میں مسافر وین میں سوار 7 افراد زخمی ہوئے جنہیں ڈی ایچ کیو اسپتال منتقل کردیا گیا ہے۔ اسپتال ذرائع کے مطابق خاتون سمیت تمام زخمیوں کی حالت تشویشناک ہے۔ ادھر دھماکے کے بعد پولیس اور ایف سے علاقے کو گھیرے میں لے لیا ہے۔
