10 نومبر ، 2015 
لیجنڈ ری اداکار آغا طالش کی88 ویں سالگرہ
10 نومبر ، 2015
کراچی ......اداکاری کے شعبے میںاپنی صلاحیتوں کا لوہا منوانے والے آغا طالش کے مداح آج ان کی 88 ویں سالگرہ منا رہے ہیں۔
پاکستان فلم انڈسٹری میں اکیڈمی کا درجہ رکھنے والے آغا طالش کا اصل نام آغا علی عباس قزلباش تھا ، وہ 10 نومبر 1927 کو لدھیانہ میں پیدا ہوئے ۔
انہوں نے1952 میں فلمی کیرئیر کا آغاز کیا اورپنجابی فلم "جبرو" میں ایک مزاحیہ کردار سے ہٹ ہوئے۔آغا طالش نے اپنے 40سالہ فلمی کیرئیر میں بے شمار فلموں میں کام کیا اور اپنی اداکاری کا لوہا منوایا۔ انکی مشہور فلموں میںفرنگی، شہید، نیند، زرقا، کنیز، تیرے عشق نچایا، بھریا میلہ اور امرائو جان ادا شامل ہیں۔
آغا طالش نے چار سو سے زائد فلموں میں کام کیا۔پاکستانی فلموں میں کئی یادگار کردار ادا کرنیوالے آغا طالش 19 فروری1998کو انتقال کرگئے تھے مگران کی اداکاری مداحوں کو آج بھی یاد ہے۔
