16 نومبر ، 2015 
زین قتل کیس، ملزم کی بریت پر از خود نوٹس کیس کی سماعت
16 نومبر ، 2015
لاہور...... سپریم کورٹ میں زین قتل کیس کے ملزم مصطفی کانجو کو بری کرنے کے معاملے پر از خود نوٹس کیس کی سماعت ہوئی۔ جسٹس امیر ہانی مسلم نے ریمارکس دیئے کہ ملزم چاہے جتنا بھی طاقتور ہوعدالت قانون کے مطابق فیصلہ کرے گی ۔
جسٹس امیر ہانی مسلم کی سربراہی میںتین رکنی بنچ نےزین قتل کیس کے ملزم مصطفیٰ کانجو اوراسکے محافظوں کی انسداددہشت گردی عدالت سے بریت پراز خود نوٹس کیس کی سماعت کی۔مقتول زین کی والدہ سمیت 23 گواہ عدالت میں پیش ہوئے۔
جسٹس امیر ہانی مسلم نے ریمارکس دیئے کہ جس انداز سے انسداد دہشت گردی عدالت میںکیس چلایا گیا ،لگتا ہے انصاف نہیں ہوا۔ انسداددہشت گردی عدالت نے 27 اکتوبرکوزین قتل کیس کے 14 گواہوں کو اپنے پہلے بیان سےمنحرف ہوجانے کی بنیاد پرپانچوں ملزموں کو بری کردیاتھا ، چیف جسٹس پاکستان جسٹس انورظہیرجمالی نےملزمان کی بریت پر30اکتوبر کوازخود نوٹس لیاتھا ۔
