06 دسمبر ، 2015 
رسل کرو اور ریان گوسلنگ کی کامیڈی تھرلر فلم’دی نائس گائز‘کا پہلا ٹریلر
06 دسمبر ، 2015
لاس اینجلس ........ہالی وڈ کے مشہور و معروف اداکار رسل کرو اور ریان گوسلنگ کی کامیڈی سے بھرپور نئی تھرلر فلم’دی نائس گائیز‘کا پہلا ٹریلر ریلیز کر دیا گیاہے۔
ہدایتکارشین بلیک کی اس فلم کی کہانی لاس اینجلس میں70کی دہائی میں کام کرنیوالے دو ایسے پرائیویٹ جاسوسوں کے گِرد گھومتی ہے جو خود کشی کے ایک اہم کیس سے پردہ اُٹھا کر اہم شخصیات کو بے نقاب کر دیتے ہیں۔
جوئیل سلور کی پروڈیوس کردہ اس مسٹری فلم میں رسل کرو اور ریان گوسلنگ کے علاوہ میٹ بومر، کِم بیزنگر، ریچل اسمتھ، گیری وِیک اورکیتھ ڈیوڈ اہم کرداروں میں جلوہ گر ہونگے۔
سلور پکچرز کی تیارکردہ کامیڈی اور مسٹری تھرل پر مبنی یہ سنسنی خیز فلم وارنر بروس پکچرز کے تحت آئندہ سال20مئی کو سنیما گھروں کی زینت بنائی جائیگی۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
26 نومبر ، 2024
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
