16 دسمبر ، 2015 
سانحہ پشاور کے ننھے شہداء کی یاد میں کراچی میں تقاریب کا اہتمام
16 دسمبر ، 2015
کراچی ......آرمی پبلک اسکول پشاور کے شہید طلباء کو خراج عقیدت پیش کرنے کیلئے کراچی میں ننھے طالب علموں نے ریلی نکالی، کہیں شمعیں روشن کی گئیں تو کہیں پولیس کے محافظوں نے ان کے ایصال ثواب کے لئے قرآن خوانی کی۔
ہر پاکستانی کی زبان پر آرمی پبلک اسکول کے ننھے شہیدوں کیلئے سلام عقیدت ہے،سانحہ پشاور کے معصوم فرشتوں کی یاد ہر دل میں زندہ ہے۔ اسی سلسلے میں کراچی کے نجی اسکول کے پر عزم طلباء کی جانب سے ریلی نکالی گئی۔
کراچی یونیورسٹی کی پبلک ایڈمنسٹریشن لائبریری کو سانحہ پشاور کے شہداء کے نام سے منسوب کیا گیا اور طلباء کی یاد میں شمعیں روشن کی گئیں۔
سول اسپتال میں بھی ڈاکٹروں نے بچوں کی یاد میں شمعیں روشن کیں اور پوری قوم کو متحد رہنے کا پیغام دیا۔
پولیس کے محافظوں نے شہید بچوں کے لئے قرآن خوانی کا اہتمام کیا، آج کے دن ہر شخص کی دل کی آوز یہی ہے کہ یہ شہداء رہتی دنیا تک پوری قوم کے دلوں میں زندہ رہیں گے۔
مزید خبریں :
امریکا میں سفارتکاری: بلاول بمقابلہ بینظیر بھٹو
10 گھنٹے پہلے
گوادر میں زلزلے کے جھٹکے، شدت 3 ریکارڈ
08 جون ، 2025
کراچی اور اورماڑہ میں زلزلے کے جھٹکے محسوس کیے گئے
08 جون ، 2025
